Pitgotoiag Sipo Maoiteetagen

Ninen mimatjoinoltieg taan getemiteetemeg Pitgotoiag Sipo Etplotagan ag Pagtapei, gisiteetemeg

apatji otsoaatenen gôgoateg otjit mset mimatjoinoog ag etlimaogatemootimg siao geloolgten mosigsigo, oagemeegten samgoan, oagemeegten gamlamoti, ag olapetemen ola sipoeoei taan ignemolsieg neeletjei, pelagsimg, igatagodimg, genoomimg, ag mtjitjamitjoei megiteetagen ag oelôltimgeoei,

nagaatenen Pigotoiag Sipo ag ot mimatjoagenem tan tel pmimpeg tôgô teli nemitoeg,

oestoiigemen oetjgooag oetapegsieg msenemeneo ola entasimgeoei tan gisi tlaatôg Pitgotoiag Sipo aoti nespsagasigeoei,

eloiitemasoltieg tôgitaanen otjit gisaaton oegla ellaatimgeoeel :

ignemogsin taan tel oeegosi apatji ogsoaateneo Pitgotoiag Sipo pagtapei ag Oetjgoapaag. Apatji olmimatjoltineo nemeetjg sipoigtog, ag angoeioaneo sisipg tan teli olôltiititj ag oelataloltitjig Oegôpaagigtog,

apatji ignematemen alampegiag tlpaagten tan telisgagiag elmiag igaatasig asogômagen ag tjigelaatasigten gitjgaa aoti nepsagasig,

ignemogsin ganataeoei gapetenôl apatjimsenemen alampegiag tlpaagten tan telisgagiag Pitgotoiag Sipoigtog oegao tapo pitointnagen tji neo (2004).

Oegla ellaatimgeoeel, eloitemasoltieg gisaatoneo ag melgi apôgenematemeg taan telip gitasetj naagoset, tan teli epgitjigoeg msigo ag tan tel pmitg sipo.